«Жұмысшы жастар аманаты» облыстық жұмысшы жастар форумы

Бүгін, 2025 жылғы 29 қыркүйекте «Атбасар қаласы, аграрлық-индустриялық колледж» МКҚК студенттері Астрахан ауданында өткізілген  Жұмысшы мамандықтар жылына арналған жұмысшы жастардың облыстық «Жұмысшы жастар аманаты» форумына қатысты. Жастар алдында Астрахан ауданының әкімі Ерсейітов Талғат Аманбайұлы және «Аманат» партиясының Ақмола облыстық филиалының төрағасы Беспалинов Берген Маратұлы тілек сөзімен сөйледі. Бьіздің колледждің белсенді студенттері Сексенбаева Влада және Сигаури Гирихан «Аманат» партиясы атынан алғыс хатпен марапатталды. Сондай-ақ, студенттердің жұмысшы кәсібіне деген қызығушылығын, оның экономикадағы маңыздылығын және еңбек нарығындағы сұранысты қалыптастыра отырып, «Дәнекерлеу ісі» мамандығын насихаттауға бағытталған жастар арасында кәсіби бағдарлау жұмысын жүзеге асырғаны үшін өндірістік оқыту шебері Герок Эвальд Владимировичке алғыс хат табысталды.

Форумның екінші секциясы Астраханка ауылының агробизнес және сервис колледжінің базасында өтті, онда студенттер мен мектеп оқушылары үшін диалог алаңдары ұйымдастырылып, колледждің өндірістік шеберханалары бойынша экскурсия өткізілді. Жалпы, сапар өте мазмұнды әрі қызықты болды!